預訂亞洲 預訂你的世界之旅

科技白痴都要識 六大旅行必備app

網路2.0時代,去旅行甚麼也靠高科技解決,機場check-in是用電話、睇地圖搵路用電話、搵景點名勝plan行程也離不開手機,所謂一部smart phone在手就能走天涯,但你又能否物盡其用?記者親選自己用開六隻app,平時在香港也用得着,人在異地更覺作用之大。呢個世界上,除了Google Maps、facebook、Instagram、美圖影相程式,仲有其他app㗎!

55ss01

1.換算寶物:Currency
出外旅行,要數貨幣換算最麻煩。自問數口唔好,購物常常一時間換算不到價錢,要逐樣物品慢慢計番港紙,台幣、日圓、歐元等都叫易計,換作是韓圜、緬幣等吓吓幾十萬上落的,畀錢時真的頭都大埋,所以貨幣換算app很重要。Currency操作簡單,一張清單有齊多國貨幣兌港幣數目,匯率也夠update,一目了然。

2.毒遊必備:AroundMe
出門人生路不熟又語言不通,一些常去場所更是難尋。AroundMe利用定位功能鎖定用家位置後,就能列舉出附近最近的酒店、酒吧、餐廳、銀行、超市、戲院、醫院、加油站等,自己一個旅行時用最方便。

3.路痴救星:MAPS.ME
旅行時用Google Maps搵路是常識吧。可惜人在異地電話數據總要就住用,曾有朋友因為慳data不願用Google Maps結果因為迷路而趕不上火車。MAPS.ME離線地圖就可以解決這問題,只要確保出發前已下載好需要用的地圖,唔使上網都搵到路。

4.另類玩法:Meetup
旅行迷人之處是可認識到世界各地的人,而且渠道很多。Meetup是非一般的交友app,用家就自己興趣舉辦活動,讓不同人士參與,認識志同道合朋友。旅行時可透過這平台尋找當地人搞的導賞團、單車團、行山團、美食團等,可能發掘到比旅遊書提供更地道的景點。

5.分賬專家:Splitwise
同朋友去旅行最怕使費數目混亂,事後難追數,講錢又傷感情,惟有做好事前準備。此app幫你紀錄旅程所有使費,做埋運算,仲會幫你send reminder提朋友唔好走數,唔使怕自己開口問尷尬啦!

6.最準天氣先生:WeatherPRO
平日用開電話內置程式睇天氣,但發現不夠準確,此天氣app詳細紀錄不同地區天氣,有齊濕度、水溫、日曬指數、紫外線等,精準度達9成,是出trip必備app之一。

記者:王秋婷

http://hk.apple.nextmedia.com/supplement/travel/art/20160608/19645048

评论已关闭,但 trackbacks 和pingbacks是开放的。