【日本熱話】恐怖童年回憶|網友:劣化廣告板、雪花電視、麥當勞叔叔全部驚到震!

Get real time updates directly on you device, subscribe now.

Subscribe to our newsletter
【恐怖童年回憶】日本Twitter呢幾日流行晒「童年最怕嘅嘢」(#子供の頃怖かったもの),大個睇番轉頭可能已經唔覺有啲咩,但係細細個見到都真係會驚到震!原來童年害怕嘅嘢都算係「世界大同」,你又有過啲咩「童年陰影」呢?

撰文:C|圖片:Twitter

恐怖童年回憶晒冷

1|劣化廣告板

網友話,細個時返學嘅必經之路會見到咁樣嘅廣告板,本身已經夠恐怖,再慢慢生銹劣化之後,點睇都好似感染咗恐怖病毒咁,依家見到都會驚一驚。

2|《蠟筆小新》電影

網友話大個睇番都仲覺得驚!甚至話細個睇完之後,有一段時間無法相信身邊嘅人(笑)。

3|2012世界末日傳說

網友話當年諗到自己只有16歲,咁年輕就要迎接死亡,不禁背脊一寒。另一位網友就話,喺預言之日嘅前一星期先至喺電視上得知,完全未做好心理準備,然後記得12月24日一早醒來發現冇事就開心到喊!

4|《千與千尋》無臉男

網友話成套《千與千尋》都超級恐怖!暴飲暴食然後慢慢變成豬嘅父母、千尋同湯婆婆初見面時嘅工作面試、變成龍暴走嘅白龍、湯婆婆經營嘅店其實係風俗店等等,無論係細個嘅時候,定隨住年齡增長見多識廣後再睇,都一樣恐怖。

唔少網友都話《千與千尋》嘅「無臉男」係一個大童年陰影。

5|《反斗奇兵》Baby Face

網友話:「佢一眨眼就嚇到我魂飛魄散!然後一近鏡,即刻嚇到想熄電視!」

網友甚至話直到依家翻睇,都仲會嚇一嚇!

6|真理之口占卜機

網友話:「當時仲係幼稚園生嘅我,覺得如果一伸隻手入去,手掌就會被刻成上面嘅畫面咁樣。細個一直都好怕呢部機!」

香港以前都成日見到呢部機!相信都嚇怕過唔少小朋友⋯⋯

7|隙縫

網友話:「比起怕跌落去,覺得如果同啲『不明物體』對上眼嘅話,真係唔知點算⋯⋯所以每次入港鐵車廂時,都會故意唔望隙縫,最後差錯腳跌倒喺車內大喊⋯⋯」

8|雜訊雪花電視/檢驗圖

網友話:「轉台時唔小心撳錯掣轉到『雪花台』,然後一響沙沙聲,即刻嚇到心跳漏拍。父母仲要話一直盯住望嘅話,靈魂就會被吸入去!簡直係童年最恐怖嘅回憶!」

大家細個時,有冇試過全神貫注咁望住部雪花電視?

網友話:「電視結束播放時嘅畫面真係好恐怖。加上細個時父母話,會見到呢個畫面嘅都係唔肯瞓嘅壞細路,會有恐怖嘅人喺電視出現,於是就顯得更恐怖⋯⋯」

原來唔少家長都鍾意用呢啲「特別」畫面嚟嚇小朋友!

9|麥當勞叔叔

網友話:「讀幼稚園嘅時候,老師話如果喊極都唔收聲,就會被呢個人帶走㗎喇!之後我就喊得更犀利(笑)。」

10|木紋

網友話:「杉木特別恐怖!細個望住天花板嘅木紋,總覺得望親都好似唔同咗樣咁。而且望落似一張臉,驚到不得了!」

有時望望下啲年輪花紋,總好似會「砌」到塊面出嚟咁⋯⋯只能說,細個時嘅想像力特別豐富!

https://www.gotrip.hk

Subscribe to our newsletter
Subscribe to our newsletter
Sign up here to get the latest news-預訂亞洲 預訂你的世界之旅
You can unsubscribe at any time
You might also like

Comments are closed.